"MANIFIESTO EN DEFENSA DEL CASTELLANO: Telecinco se adhiere al Manifiesto de la defensa del castellano"

Podería dicir que sobran as palabras, ou que, seguindo o plantexamento desta canle, as miñas palabras non valen por non estar escritas en castellano cervantino. Pero non vou quedar calado.

Este manifesto, plantexado por "intelectuales" da talla de Fernando Savater, Rosa Díez e Mario Vargas Llosa.

Fernando Savater e Rosa Díez proveñen do nacionalismo centralista-español froito da presión abertzale, polo que ata vexo comprensible que consideren que todo aquelo que é diferente poida supor un risco. En canto a Vargas Llosa, eu como Sofía Mazagatos: "No he leído nada de él, pero lo sigo". Resulta que leva dende a década dos 80 intentando meterse en política no Perú. O goberno de José María Aznar concedeulle a cidadanía española, así que, creo que non tardaremos moito en ve-lo no Congreso Español... Vamos, un fato de oportunistas que crean un movemento cun ánimo meramente instrumental.

O que non entendo eu é como nas noticias din que o castelán ten boa saúde, que cada vez ten máis falantes e máis xente o escolle para estudar como segunda língua poden estes "intelectuales" afirmar que o castelán está en perigo, que corre o risco de desaparecer. Quen está equivacado? A RAE ou estes "intelectuais"?

Volvendo a Telecinco, penso que foi algo desacertado aderirse a este manifesto. Tomar partida sí, por un movemento tan político, que neutralidade lle outorga a esta canle?

En resumen, co que me quedo eu é con que Telecinco entende a diversidade cultural como unha ameaza de tal calibre que merece ser exterminada usando os instrumentos dos que dispon o Estado, en contra do mandato constitucional de protección da diversidade.

Pois se Telecinco quere protexer o castelán, que empeze por el mesmo...

As escolas de Frijol...

As chamadas Galescolas eran, máis ben, a rede de escolas infantís públicas da Xunta de Galicia, dependentes da área de Benestar do gabinete, posto que se entende que fan una gran función á hora de compatibilizar a vida laboral coa familiar.

A nova Xunta de Feijoo pensa que esas galescolas teñen que estar baixo o mando de Educación, pois para eles a función primordial non é a de facilitar ós pais o libre desenrolo das súas actividades profesionais, senón que deben educar, por tanto, xa partimos dunha base de que ten que haber un currículo educativo, un programa educativo...

Entre as novidades que a Xunta Feijoista (ou Feixista, como prefirades) ten para este ámbito (recordemos que os seus usuarios son nenos de 0 a 3 anos) están a incorporación da asignatura de relixión, da incorporación de contidos en ingles, a redución de contidos galegos...

Se a relixión vai ter un papel tan destacado nestes centros, ¿que diferencia vai haber entre unha escola coránica tipo madrasa e unha escola infantil galega? ¿a relixión que se estudiara?...

O que sigo sen entender e porque non fan unha enquisa ós pais para preguntarlles os contidos dese currículo destas escolas...

No caso do inglés, non é tan descabellado a introducción de contidos en ingles, incluso e recomendable, sen embargo, o problema non está na educación preescolar, o problema está no resto da educación. Temos un sistema donde hai excesiva teoría e cero práctica. As clase de inglés danse en castelán (diría que en galego, pero é mentira), e non hai un espazo onde se poda un expresar en ingles. É dicir, as peliculas están dobradas (ó castelán), a prensa está en castelán, a radio e a televisión tamén... etc. A única forma de practicar inglés en este Reino de España e marchando a Reino Unido, EE.UU., Malta...

O que xa non me cabe na cabeza é como a xente defende que se promocione tanto o inglés, cando non se promociona a lingua propia, e mesmo se marxina... Pois convén recordar que o galego é moito mellor instrumento para aprender inglés que o castelán, posto que ten máis riqueza fonética. Ademáis, non pretendas aprender a usar unha língua estranxeira cando non sabes usar a túa...